سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القران لیگ کے دو رکنی وفد محترمہ ام حبیبہ اسماعیل (مرکزی ناظمہ زونز بی) اور محترمہ بتول مشتاق (نائب زونل ناظمہ سنٹرل پنجاب بی) نے ضلع ٹوبہ ٹیک سنگھ کی چار تحصیلات رجانہ، کمالیہ، نیا لاہور اور گوجرہ کا دو روزہ تنظیمی وزٹ کیا۔
منہاج القرآن ویمن لیگ اور جملہ فورمز کی تقریب حلف برداری منعقد کی گئی جس میں ویمن لیگ کی جانب سے محترمہ ام حبیبہ اسماعیل (زونل ناظمہ سینٹرل پنجاب بی) اور محترمہ رافعہ عروج ملک (زونل ناظمہ سینٹرل پنجاب اے) نے خصوصی شرکت کی۔
منہاج ویمن لیگ پیر محل کا اجلاس اقراء تہذیب النسآء پارہ ٹاؤن پیر محل میں منعقد ہوا، جس میں منہاج القرآن ویمن لیگ سینٹرل پنجاب بی کی صدر اور نگران ام حبیبہ اسماعیل نے خصوصی شرکت کی۔ اس موقع پر اظہار خیال کرتے ہوئے انہوں نے کہا کہ 17 جون ظلم و بربریت کی داستان ہے جہاں ناحق 14 انسانوں کا خون بہایا گیا۔
منہاج القرآن ویمن لیگ پیر محل کے زیراہتمام شیخ الاسلام ڈاکٹر طاہرالقادری کے والد گرامی ڈاکٹر فریدالدین قادری کے عرس کی تقریب اقراء تہذیب النساء پارہ ٹاؤن میں 29 مئی 2021ء کو منعقد ہوئی۔ تقریب کا آغاز قرآن مجید سے ہوا، جس کے بعد قرآن خوانی اور محفل نعت بھی ہوئی۔
منہاج القرآن ویمن لیگ پیرمحل کے زیراہتمام شب برات پر ’گناہوں سے معافی اور اللہ کی رضا طلب کرنے کی رات‘ کے عنوان سے محفل کا اہتمام کیا گیا جس کی صدارت منہاج القرآن ویمن لیگ پیرمحل کی صدر تہذیب فاطمہ نے کی۔ محفل کا آغاز تلاوت و نعت سے ہوا۔ محفل سے تہذیب فاطمہ اور منہاج ویمن لیگ پیرمحل کی جنرل سیکرٹری عائشہ آفتاب نے خطاب کرتے ہوئے شب برات کی اہمیت اور فضیلت پر روشنی ڈالی۔ محفل کے اختتام پر رقت انگیز دعا کی گئی اور صلوۃ التسبیح اور ذکر کا اہتمام کیا گیا۔
منہاج القرآن ویمن لیگ پیرمحل کے زیراہتمام شب معراج پر محفل شب بیداری کا اہتمام کیا گیا جس کی صدارت تہذیب فاطمہ نے کی۔ محفل میں منہاج القرآن ویمن لیگ پیرمحل کی عہدیداران و کارکنان سمیت خواتین کی بڑی تعداد نے شرکت کی۔ محفل کا آغاز تلاوت و نعت سے ہوا جس کے بعد تہذیب فاطمہ نے شب معراج اور آقا علیہ السلام کی شان و عظت کے موضوع پر گفتگو کی اور ذکر و درود کے اوراد کروائے۔ بعد ازاں شرکاء شیخ الاسلام ڈاکٹر محمد طاہرالقادری کے خطاب سے مستفید ہوئیں۔
منہاج القرآن ویمن لیگ کمالیہ کے زیراہتمام منعقدہ تقریب سے خطاب کرتے ہوئے مرکزی ناظمہ سدرہ کرامت نے ڈاکٹر محمد طاہرالقادری کی ہمہ جہت شخصیت کے مختلف پہلوؤں پر روشنی ڈالی۔ انہوں نے قائد ڈے کی تقریب کے کامیاب انعقاد پر صدر ویمن لیگ کمالیہ عابدہ مشتاق کو مبارکباد پیش کی۔ تقریب میں شیخ الاسلام کی سالگرہ کی مناسبت سے کیک کاٹا گیا اور آپ کی صحت و سلامتی اور درازئ عمر کے لیے دعا کی گئی۔
پیر محل میں اقراء تہذیب النساء پارہ ٹاؤن پیرمحل کے زیراہتمام شیخ الاسلام ڈاکٹر محمد طاہرالقادری کی 70ویں سالگرہ کو منایا گیا۔ اس سلسلسہ میں منہاج القرآن ویمن لیگ پیرمحل کے زیراہتمام قائد ڈے تقریب منعقد ہوئی، جس میں محترمہ تہذیب فاطمہ اور ادارہ کی طالبات نے شرکت کی۔
منہاج القرآن ویمن لیگ ٹوبہ ٹیک سنگھ کے زیراہتمام 31 ویں یوم تاسیس کی تقریب منعقد ہوئی، جس میں منہاج القرآن ویمن لیگ ٹوبہ ٹیک سنگھ کی قائدین و کارکنان نے بھرپور شرکت کی۔ اس موقع پر یوم تاسیس کا کیک کاٹا گیا۔
منہاج ہائرسیکنڈری سکول نواں لاہور میں سالانہ امتحانات کے رزلٹ کی تقریب منعقد ہوئی۔ تقریب میں منہاج القران ویمن لیگ گوجرہ کی صدر ریحانہ اشرف گورائیہ اور ناظمہ دعوت عائشہ انقلابی خصوصی طور پر شریک تھیں۔ اس موقع پر منہاج القران ویمن لیگ نواں لاہور کی صدر مقدس فرزانہ نے طالبعلم اور استاد کی ذمہ داریوں پر روشنی ڈالی۔
گوجرہ: پرائیویٹ سکول کے سالانہ نتائج آنے کے موقع پر تقسیم انعامات کی تقریب کا انعقاد کیا گیا جس میں سینیئر ممبر سوشل میڈیا ٹیم (ویمن ونگ) عائشہ اشرف نے وفد کے ہمراہ خصوصی شرکت کی۔ اس موقع پر انہوں نے اظہار خیال کرتے ہوئے کہا کہ ہماری دنیا اور آخرت کی کامیابی صرف اسی میں ہی ہے کہ ہم اسلام کو اپنے اوپر نافذ کریں۔ انہوں نے کہا کہ آقا صلی اللہ علیہ وآلہ وسلم کی ہستی ہمارے لئے بہترین نمونہ ہے۔ انہوں نے کہا کہ تبدیلی کی بات ہر کوئی کرتا ہے مگر نظام کی تبدیلی کی بات صرف ڈاکٹر طاہرالقادری کرتے ہیں۔
منہاج القرآن وویمن لیگ گوجرہ ضلع ٹوبہ ٹیک سنگھ کی سوشل میڈیا ٹیم کی طرف سے مورخہ 19 دسمبر 2014ء کو سانحہ پشاور کے شہداء کے لئے قرآن خوانی کا اہتمام کیا گیا۔ قرآن خوانی کے بعد سوشل میڈیا کی سینئر ممبر محترمہ عائشہ اشرف نے خطاب کرتے ہوئے کہا کہ پوری قوم اس دل دہلا دینے والے واقع پر افسردہ ہے اور معصوم بچوں کو شہید کرنے پر ہر آنکھ اشک بار ہے۔
مورخہ یکم اگست 2014ء کو پاکستان عوامی تحریک وویمن ونگ گوجرہ کی جانب سے ایک ہنگامی میٹینگ کا انعقاد کیا گیا جس میں انقلاب کے حوالے سے حتمی تیاریوں کا جائز ہ لیا گیا جس میں ڈسٹرکٹ نگران وویمن لیگ نے خصوصی طور پر شرکت کی۔ میٹنگ کا آغاز تلاوت کلام مجید سے کیا گیا جس کے بارگاہ رسالت مآب صلی اللہ علیہ وآلہ وسلم میں عقیدت کے پھول نچھاور کیے گئے۔ میٹنگ میں شریک نگران وویمن لیگ نے اپنی اپنی کارگردگی رپورٹ پیش کی۔
منہاج القرآن ویمن لیگ گوجرہ کے زیراہتمام بیدارئ شعور ورکرز کنونشن کا انعقاد کیا گیا جس میں خواتین کی کثیر تعداد نے شرکت کی۔ کنونشن کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے کیا گیا۔ اس موقع پر ناظمہ ویمن لیگ PAT گوجرہ نے شیخ الاسلام ڈاکٹر طاہر القادری کا دس نکاتی ایجنڈہ پڑھ کر سنایا، بعد ازاں شیخ االاسلام ڈاکٹر طاہر القادری کا 25 مئی والا خطاب بھی سنایا گیا۔ کنونشن کا اختتام دعائے خیر سے ہوا۔
منہاج القرآن ویمن لیگ گوجرہ کے زیراہتمام منہاج القرآن گوجرہ کے تحصیلی آفس میں بیدارئ شعور ورکرز کنونشن کا انعقاد کیا گیا جس میں خصوصی شرکت صدر تحریک منہاج القرآن گوجرہ سید سہیل احمد شاہ گیلانی نے کی۔ کنونشن کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے کیا گیا۔ اس موقع پر کوآرڈینیٹر ویمن لیگ گوجرہ جناب اللہ رکھانے بھی شرکت کی۔ کنونشن میں بذریعہ پراجیکٹر شیخ الاسلام ڈاکٹر طاہر القادری کا بیدارئ شعور سے متعلق خطاب سنایا گیا۔ کنونشن کا اختتام دعائیہ کلمات سے ہوا۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
